Jab Shaitan Mardud Ne Kaha Ke Allah Se

Jab Shaitan Mardud Ne Kaha Ke Allah Se

Jab Shaitan Mardud Ne Kaha Ke Allah Se Aye Allah:

"Teri Izzat Ki Qasam Mai Tere BandO Ko Hamesha Bahkata Rahunga ,
Jab Tak Unki Roohein Unke Jismo Me Rahengi,
Allah RabUlIzzat Ne Irshad Farmaya Mujhe Qasam Hai Apniizzato Jalal Ki Aur Apne Aala Maqam Ki Jab Tak Woh Mujhse Astagfar(Touba) Karte Rahenge Main Unko Bakshta Rahunga"
Subhan Allah...Subhan Allah....

Ek Islami Riwayat
Abu Hurairah Radi Allaho Anhu Se Rivayat Hai Ki Rasoollallah SallallahuAlaihi Wasallam Ne Farmaya:
“Hamara Rab Har Raat Aasman-E-Duniya Ki Taraf Nuzul Farmata Hai, Uss Waqt Jab Raat Ka Aakhri Tihayee Hissa Baqi Reh Jata Hai. Aur Farmata Hai,
Kaun Hai Jo Mujhse Dua Karta Hai KiMain Uski Dua Qubul Karu ,
Kaun Hai Jo Mujhse Mangta Hai Ki Main Usey Du ,
Kaun Hai Jo Mujhse Bakhshish Talab Karta Hai Ki Main Uski Bakshish Karu.
[ Sahih Bukhari, Vol7, 6321 ]

Surah Yousuf
Surah Yousuf 09-13! (Ab tum aesa karo k) Yousuf ko ya tou Qatal kardo ya kisi aisi Jagah Phaink ao takay tumharay Walid ki Tawajha sirf tumhari taraf hojaye is k baad tum Khush Naseeb Qaum hojaogay (aur tumharey sub kaam theek hojayegay). In main se Aik kehnay waley ne kaha ager tumhay ye Kaam karna hi hai tou Yousuf ko Qatal na karo Bal k kisi Gehray kunway main daal do takay ager koi Qafla (idher se guzrey tou) inhey nikaal (kar kahin) ley jaye. (Algarz mashwaray k baad tamam Bhai Apney Walid k pass ayay aur in se istarha) kaha Aye Hamaray Abba Jaan kiya Baat hai k Yousuf k mamlay main Aap hum par Aitmaad nahi kertay halan k hum is k Khair Khuwa hain. Kal usey hamaray saath bhaij dijiye k kuch khaye (piye) aur khailay kuday hum sub uski Hifazat karaingay. Unho ne kaha tumhara isko lay jana mujhay Fikar main Mubtala karta hai Mujhay Andaysha hai k kahin tum is se Gafil hojao aur koi Bheriya usay khajaye.