About Our Blog

Islam is a noble religion – a religion that has asserted the message of truth and explained it for those who are willing to listen and understand.
Unfortunately, today, in many quarters it remains misunderstood. It’s misunderstood because there are those who don’t fully understand it and have misinterpreted its message and then there are those who don’t want to understand it.
The vision behind IqraSense.com is to help educate the public on the true message of Islam and the wisdom of the Islamic message. Muslims as well as non-Muslims are encouraged to participate and comment on the various posts on this blog.
Any messages that are hateful or encourage hate are not permissible and will be deleted. This discussion is for mature and educated audiences who are willing to listen, and learn the message of Islam.
For any questions or comments, send us an email at::

Email:  salminjahan143@gmail.com 

Facebook Page:::Like Us On Facebook

Read More

 

Ek Aurat Ki Kahani

Ye Aik Asi Ourat Ki Kahani Hai Jo Shayad App Main Bhi Kahi Ho Gi.Ye Aik Suchi Kahani Hai. Aik Asi Ourat Jo Shadi Say Pehlay Bus Parhna Chati Thi .Jab Wo 10 Main Thi Tu Achank Ous Ka Rishta Aagaya Our Ous Larki Ki Ma Is Rishty Kay Liye Maan Gahi Lakin Bap Nahi Mana . Balkey Ye Jawab Diya Kay Larki Kay Dada Ye Fasala Kare Gay.Larki Kay Dada Nay Rishtay Say Saf Inkar Kardiya .Un Kay Pas Larkey Walo Nay Unhi Kay Muktalif Rishtedaro Ko Bejana Shuro Kar Diya.Aur Aik Nay Tu Aa Kar Ye Khe Diya Kay Larki Ki Us Larkey Kay Saath Tasveere Hai .Us Larki Say Ye Tak Na Poocha Gaya Kaya Ye Baat Sach Hai .Bus Suntey Hi Dada Nay Kaha Jab Itna Sab Kuch Ho Gaya Hai Tu Muje Kaya Sab Deknay Kay Liye Bolaya Hai . Os Kay Bap Rishtey Ko Kabul Karney Say Pehlay Apni Behan Ko Beja Key Larki Say Pooch Lay Kaya Os Ko Rishta Manzor Hai.Larki Ki Boha Larki Kay Pas Gahi Aur Os Say Poocha ,Larki Nay Kaha Kay Wo Mujey Kuwen Main Bhi Phenkey Gay Mujey Manzoor Hai.Larki Ki Boha Nay Ja Kar Apne Bahi Say Kaha Kay Larki Nay Kaha Agar Main Shadi Karo Gi Tu Os Say Nahi Tu Main Kisi Say Bhi Shadi Nahi Karo Gi. Ye Sub Sunker Os Key Bap Ko Aur Gusa Aaya ,Aik Toh Wo Tasveer Ki Baat Aur Larki Ki Ye Baat Bap Kay Dil Per Jasey Churiya Chal Rahi Ho. Larkey Walo Ko Ye Kaber Bejwadi Kay Onhay Ye Rishta Manzoor Hai.

Ab Larki Ka" NIKHA" Os Hi Larkey Kay Saath Howa.Ab Larkey Walo Ki Ye Shart Thi Kay Larki Aagey Nahi Parhe Gi. Lakin Larki Aagey Perhnay Kay Liye Pher Bhi School Jaya Karti Thi. Pher Aachank Choor Diya ,Os Larki Ka "NIKHA"Karib 2saal Tak Chala Ho Ga.

Os Ki Shadi Waley Din Rasmey Bhi Sahi Tarha Say Nahi Ho Saki .Jo Larki Rasmo Say Kush Hoti Thi ,Jis Key Liye Rasmen Boht Mahiney Rakti Thi .Os Ki Hi Shadi Main Aisa Howa .Ruksati Kay Baad Ghar Lay Kar Aahi Toh Sab Ka Rawiya Aasa Tha Jasey Ghar Main Koi Dushman Aaya Ho . Koi Apney Dushman Kay Saath Bhi Na Kare.

♥ ♥ ♥ ♥♥Like My Page On Facebook♥♥ https://www.facebook.com/pages/Learn-Something-Islamic/474340556002012

Read More

Hazrat Malik bin Dinar Rahmatullahi Alaihi Ka Ek Dil Chashp Waqiya

Hazrat Malik bin Dinar Rahmatullahi Alaihi Ka Ek Dil Chashp Waqiya

Hazrat Malik bin Dinar Rahmatullahi Alaihi Ka Waqiya

Ek Martaba Hazrate Malik bin Dinar Rahmatullahi alaihi ne ek yahoodi ke makan ki bagal me ek kamra kiraye par liya jho yahoodi ke kamre se laga huwa tha. yahoodi ne musalman jaan kar dushmani me apne gande aur najasati pani ki ek naher Hazrate Malik bin Dinar ke ghar me bahadi.

iski wajah se AAP ke ibadat o riyazat ki jagah napak ho jati thi, aur aisa lambe arse tak hota raha magar AAP ne kabhi faryad na ki. Ek din us yahoodi ne khud hi aap se arz ki ke meri gande pani ki naher se aap ko taklif nahi hoti? aap ne jawab diya ki naher se jho ganda pani aata hai use me dho deta hu, isliye mujhe koi taklif nahi !

Yahoodi ne kaha ki aap ko itni taklif sehne ke baad bhi gussa na aaya? tou aap ne jawab diya ki "ALLAH ka hukam hai ki jho log gusse par kabu kar lete hai uske na sirf gunah hi mu'af karta hu, balke sawab bhi ata karta hu". ye sun kar yahoodi ne kaha Yakinan!! aap ka mazhab bahot umda hai, kyunki usme dushmano ki taklifo par bhi sabr karne ko acha kaha gaya hai. JIS SE ME AAJ SACHE DIL SE ISLAM KUBOOL KARTA HU.

Sabaq::
Magar afsos ki aaj tou parosio ke saath khuli jang chidti huwi nazar aati hai, parosi tou kya sage bhai aur rishtedaro se bhi choti choti baat par anban aur jange chid jati hai. ALLAH HUME NAIK AMAL KI TAUFIQ ATA FARMAYE AMEEN.

Read More

Hazrate Hassan bin Sabit Radiyallahu Anhu Ke Naat

Hazrate Hassan bin Sabit Radiyallahu Anhu Ke Naat

Hazrate Hassan bin Sabit Radiyallahu Anhu Ke Naat

Mashhur Jalilu qadr Sahabi Hazrate hassan bin Sabit Radiyallahu anhu ki ye naat (Qasida) aap ki khidmat me pesh karta hu.

Hazrate Hassan huzoor ki bargah me aksar milad manate aur hamare aaqa hazrate hassan ke liye mimbar tayyar karte, aur aap naat sunte phir hazrate Hassan ke khair ke liye dua bhi karte.

[Bukhari Sharif, Jild 4, Hadees No. 3897]

agar aap umrah ya hajj ke liye jaaoge tou madina se Makka sharif ke darmyan kai stall me ye naat alag alag tarj me log sunte hai, aur makka sharif me bhi bahot dukano me ye qasida suna jata hai. 

woh qasida ye hai. jiska tarjuma Urdu aur English me.

As-subhu bada min tala’ atihi Wal laylu daja miN wafratihi

Hai Noore sahar chehre se Tere Aur shab ki raunaq zulfon se

The light of the dawn is from the radiance of Your Blessed Face

and The sparkle of the night is from the glimmer of Your Blessed Hair

Kanz-ul-karamii mowl-an-ni’amii Haad-il-umamii li sharii’ati hii 

Naimat Ka khazina hai Maula, Ganjina e rehmat hai Aqa

Hadi hai tammam-i ummat ke, Aur rehnuma hai shari’at ke

Our Master is the treasure of grace, He is a tresure of mercy

He is the guide of the entire Nation, showing us the way of the Sacred Law

Sa’tish shajaru nataqal hajaru Shaqqal qamaru bi ishaaratihi

Ungli ke ishare ped chale, Hijaz se pathar bol uthe

Aur chand hua hai do tukre angusht ke ek ishare se

On the command of your Blessed finger the tree began to walk 

Embraced in your hand the stones began to speak

Upon one gesture of Your blessed finger the moon was split in two

Jibrilu ata laylata asra’ Wa ’r-rabbu da‘a fi hadratihi 

Jibril-i Amin paigham-i khuda, Lekar aye the shab-i asra'

Allah hane Arsh pe bulwiya, Kurbat ke sharaf unko baksha

On the night of the Ascension Archangel Gabriel came with glad tidings

Your Lord invites you to the heavens, bestowing upon You the honour of intimacy

Fa-wasilatuna huwa sayyiduna Wa ’l-izzu lana bi-ijabatihi

So Mohammad hai apane aqa, Is nam se apani izzo vaqa

Therefore You are our benefactor You are our leader

You are the cause of our dignity and preservation

Read More

Tafseero Me Bayan Shaitan Ke Bare Me

Tafseero Me Bayan Shaitan Ke Bare Me

Shaitan Ke Bare Me Bayan

Tafseero me bayan hai ki shaitan jab ahle iman tha tab zameen ki koi jagah na chhodi jaha par usne sajda na kiya ho, aur woh sajda bhi kaisa 1000 baras ka.

Magar lakho salo ki ibadat usne us ek lamhe me mitti miladi, uske liye musibat ho gai jab Nabi Aadam alaihissalam ki paidaesh huwi, tab hi se uske liye khatre ki ghanti bajni shuru huwi. sirf usne NABI ki azmat ko na jana, sirf ALLAH-ALLAH kehta raha magar NABI ko chhod diya tou hamesha ke liye nare jahannam ka haqdar ban gaya.

yehi nahi **jab huzoor sallallahu alaihi wasallam ki paidaesh huwi tab us par aag ke gole barsaye gaye**. yani nabi ki paidaesh matlab shaitan ki taklif.

[Bukhari sharif, Hadees No. 4921]

tab hi tou Huzoor ki paidaesh par uske chelo ko bhi taklif hoti hai.

ALLAH - ALLAH kehne se ALLAH naaa milein.
ALLAH wale hai jho ALLAH se milad dete hai.

aur aaj ke daur hum par NABI-MUHAMMAD MUSTAFA ki tazim lazim hai. isliye Allama Iqbal farmate hai.

Muhammad ki Muhabbat Deen e Haq ki shart awwal hai.
Gar isi mein ho khaami tou sabkuch na - mukammal hai.
صلى الله تعالى عليه واله وسلم

shaitan tou jannat me aur bahar nikala gaya
magar
yeh to pehle hi se bahar hai, kaise jayenge andar, bina ishq e rasool ke.

Read More

Dayyus Kise Kehte Hai Aur Uski Kya Hasiyat Hai?

Dayyus Kise Kehte Hai Aur Uski Kya Hasiyat Hai?

Sawal: Dayyus kise kehte hai aur uski kya hasiyat hai?

Jawab : Jho Log Bawajud e Kudrat apni aurto aur Maharim ko bepardagi se Mana na kare woh Dayyus hai. Rahmate Aalamin Sultan e Dojahan  صلى الله تعالى عليه واله وسلم  ki ibrat nishan hai ki: Teen Sakhs Jannat me kabhi dakhil na honge.

1 = Dayyus
2 = Mardan Waj’a (roop) banane wali aurte (isme woh aurte shamil ho gai jho mardana kapde pahenti aur mardana baal katwati hai)
3 = Sharab Noshi ka Aadi

[Majmaujjawed, Jild 4, Page No. 599, Hadith No. 7722]
Choti bachio ko bachpan se hi aadat dale ki woh sirf aurto wale kapde aur baal rakhe rahe, warna balig hone tak ye uski aadat ban jayegi, agar unhe aise kapdo se roka bhi jaye tou kahegi ye tou pehle se pahenti aarahi hu, ab kyun rokte ho!!

Rap ya gang rap ya digar bad saluki ki shikar parde ka ehtimam karne wali aurat hargiz nahi banti balke be-parda aur apne jism ki numaesh karne wali, raat raat bhar bahar rehne wali, boy friend banane wali, picnic wagairah ladko ke saath jane wali aisi ladkiya hi bad-saluki ka shikar banti hai.

ALLAH ne mardo ko bhi hukam diya hai ki woh apni nigahe nichi rakhe, par jis tarah aurate be-parda reh kar RAB Ta’ala ke hukam ki na-farmani karti hai usi tarah ye unchi nazar wale bhi na-farmani karte hai.

Har baar ye keh kar chhut jana ki mard hi aise hai tou, magar khud ko sambhal ke na rakhna bhi be-wuqufi hai. Nazuk chize aur kimti chize hamesha cover ki jati hai, sone-chandi ko hifazat se rakha jata hai, nazuk chize jaise Light ka bulb bhi hifazati box me rehta hai, mithi chocolate par agar cover nahi tou makhkhi zaroor baithegi us par.

So safety first hai.
Sarkare Madina Sallalaho Alayhi Wasallam ne Irshad farmaya Aurat, Aurat hai yani chupane ki chiz he. Jab wo nikalti he to use shaitan zhak kar dekhta he. Yani use dekhna shaitani kam he.

[ Tirmizi sharif, Jild 1, Baab 796, Safa 600, Hadees 1173 ]
Sarkare Madina Sallalaho Alayhi Wasallam ne Irshad farmaya Jis gair aurat ko jan buz kar dekha jaye aur jo aurat apne ko jan buz kar gair mardo ko dikhlaye us mard aur aurat par Allah ki la'anat.

[ Mishkat sharif, Jild 2, Safa 77, Hadees 2991 ]

Read More

Shaitan aur Sunni Ka Munazra

Shaitan aur Sunni Ka Munazra

Shaitan aur Sunni Ka Munazra

Shaitano ka Sawal aur Sunni Ka jawab::

Shaitan ka izhare afsos. (pls. parh ke khub share kare)

Shaitan bola: bhai Milad Manana tou shirk hai!! aisa na kare

Sunni bola: kya koi ALLAH ki paidaesh par jashna manata hai?

Shaitan bola: nahi, ALLAH to hamesha se hai

Sunni bola: Milad ka matlab hota hai paidaesh, jab koi ALLAH ki paidaesh par jashn nahi par RASOOL ki paidaesh par jashn hai tou barabari nahi huwi, agar ALLAH or RASOOL me barabari karte tou shirk hota.!

Shaitan bola: hmm bhai maan lo ki shirk nahi par biddah tou zaroor hai!

Sunni bola: Achchi Bid’at aur Buri Bid’at

Hazrate Jarer bin Abdullah رضي الله عنه se riwayat hai ki RASOOLALLAH صلى الله تعالى عليه واله وسلم ne farmaya Jo Shaksh Islam mein achchi (achchi bid’at) baat nikale phir log iskey baad us par Amal karey to usko itna sawab hoga jitna sab Amal karney walo ko hoga, aur Amal karney walon ke sawab mein kuch kami na hogi aur Jo islam mein buri (yani gumrahi wali baat ya buri bid’at) baat nikale log uskey baad us par amal karey to tamam Amal karney walo ke barabar Gunaah us par likha jayega aur Amal karney walo ka Gunaah kuch kam na hoga.

[ Sahih Muslim, 6800 ] [ Jamia Tirmidhi, Vol 2, Baab ul Uloom, Haidth 570 ]

agar agar tumhare nazdik milad ke din koi achcha kaam yani naat parhna, huzoor ki tarif khub karna, ya sajawat karna, logo ko khana khilana, mehfile milad aur mehfile shane rasool ye sab kaam karna biddat hai tou bhi kaam tou achcha hi hai.. isme koi burai nahi.

Shaitan bola: magar phir bhi biddat hai, subut do hadees se.

Sunni Bola: Biddat tou tab ho jab koi amal nabi se ya ALLAH ki janib se sabit na ho, magar milad ke din har amal sabit hai!!

Shaitan bola: nahi bhai tum log jande lagate ho ye tou sabit nahi??

Sunni bola : Hazrate Aamena Radiyallahu anha farmati hai ki maine dekha ki teen jande nisb ke lage ek mashrik me, dusra maghrib me, tisra kaabe ki chhat par aur HUZOOR E AKRAM SALLALLAHU ALAIHI WASALLAM ki wiladat ho gai.

[ Khasaesul Kubra, Jild 1, Page no. 82 ]

yeh jande to ALLAH ki janib se sabit huwe tou ye sunnate ilahi hai, use biddat nahi kehte.

Shaitan bola : chalo jande lagana maan lete hai, par julus nikalna kaha se sabit hai??

Sunni bola : Sabse Pehla Juloos e Muhammadi صلى الله تعالى عليه واله وسلم

Imam Muslim ki Riwayat ke Mutabik jab Sarkar صلى الله تعالى عليه واله وسلم Makka se Madina Hijarat karke Tashrif le gaye tou Ahle Madina ke Tamam Mard aur Aurat apni apni chhatto par charh gaye, Bachche aur khadim rasto par bikhar gaye aur woh sab ye nare laga rahe the, YA MUHAMMAD !!! YA RASOOLALLAH !! YA MUHAMMAD !! YA RASOOLALLAH , (Aur is tarha Madine ki Galiyo aur kuncho me ek juloos ki shakal tayyar ho gai.)

[ Sahih Muslim, Kitab ul Jehad, Hadith No.  2009 ]

Nabi e Paak hamare liye hidayat ka hukam le kar aaye, aap ne jaha par galat dekha waha par mana farmaya aur sahi dekha waha par ya tarif ki ya tou kuch na farmaya. Agar ye juloos wali shakal galat hoti tou AAP usi waqt ahle madina ko mana farma dete ki ye galat hai, magar AAP ne aisa koi hukam na farmaya.

Shaitan bola : bhai par baad me kisi ne aisa juloos na nikala????

Sunni bola : jab huzoor ke samne jho amal huwa use mana na farmaya gaya! tou use baad me chahe uske ek saal baad kare ye 100 saal baad woh biddat nahi hota.

Shaitan bola : Nabi e Paak ne kabhi iski khushi ko izhar kiya hai????

Sunni bola : jande lagana sabit ho gaya, julus nikalna sabit ho gaya, ab huzoor ki khushi dekho.

Hazrate Abu Katada رضي الله عنه bayan farmate hai ki Bargahe Risalat me Arz ki gai, YA RASOOLALLAH صلى الله تعالى عليه واله وسلم aap Pir (somwar) ka roza kyun rakhte hai!! AAP ne farmaya us din Me Paida huwa aur usi din mujh par wahi ki gai.

[ Sahih Muslim, 2/819, Hadith No. 1162 ] [ Imam Baihaki Lissunanul Kubra 4/286, Hadith No.  8182 ]

Shaitan bola: kya khulfa e rashidin ne bhi ye din manaya????

Sunni bola : jab hum koi kaam kare tou uska subut khufa e rashedin se mangte ho, aur khula e rashidin kare tou sahaba se mangte ho aur sahaba kare tou nabi se subut mangte ho. Abe Iblees laeen jho khushi ALLAH ne jande laga kar aur mere Rasool ne karli ab tuje khulfa se subut kyun chahiye? khulfa ka martaba bada ya ALLAH o NABI ka??

Shaitan bola : ek bhi subut dedo koi sahabi se jisne naate parhi ho us din???

Sunni bola : Jalil ul Qadr sahabi Hazrate Hassan bin sabit رضي الله عنه bargahe risalat me Qasida e Burdah sharif parh kar jashne wiladat manaya karte the, aur AAP ne kabhi unhe mana na farmaya.

Sarkar صلى الله تعالى عليه واله وسلم Hazrate Hassaan ke liye Mimber rakha karte the, taki woh us par charh kar Sarkar ki tarif me fakhre ash’ar parhe, phir AAP Hazrate Hassaan ke liye is tarah dua karte, Aey ALLAH Ruhul Quddus (Jibrail) ke zariye Hassaan ki madad farma.

[Bukhari Sharif, Jild 4, Hadees No. 3897]

Shaitan bola: magar ye kaam pehle zyada nahi huwa karte the, ab kyun itne zyada ho rahe hai??

Sunni bola: isme bhi ek hikmat hai, jab nabi sallallahu alaihi wasallam ne sahaba se pucha ki batao ki tum me se sabse zyada pyare log muje kaun hai? tou sahaba ne arz ki beshak ya rasoolallah hum hai?

tab rasoolallah sallallahu alaihi wasallam ne farmaya meri ummat me mujhe sabse zyada pyare log woh honge jho baad me aayenge. jho apne maal aur ghar walo ke badle mera didar karna pasand karenge.

[Sahih Muslim : Vol 3 : Hadees 2648]

aur huzoor ka charcha isliye ho raha hai zyada kyunki pehle musalmano ki ta'adad aaj ke mukable bahot kam thi, tou pehle jashn bhi kam tha, pehle Ram Pur me musalman na the tou jashn na tha, ab waha musalman hai tou jashn hoga hi!!

aur dusri wajah quran ki ye aayat hai

aur humne tumhare liye (Aey Mehboob) tumhare zikr ko buland kar diya

وَ رَفَعْنَا لَکَ ذِکْرَکَ 

[Sura e Sharah-94, Aayat No. 4 - Kanzool Iman]

aur ek wajah!

Aur hum ne tumhe na bheja magar rehmat sare jahan ke liye.

[Sura e Ambiya-21, Para No. 17, Aayat No. 107 – Kanzul Iman]

Aur apne RAB ki ne'amat ka khub charcha karo.

[Surat ud Dua, Aayat No. 11 - Tarjuma: Kanzul Iman]

so musalman ab zyada hai tou charcha bhi zyada hoga.

Shaitan bola: magar us din tou huzoor ki wafat huwi thi, tou gham karna chahiye? woh tou ab mitti hai!!

Sunni bola: Abe khabees, Murda hoga tera baap, tu, aur tera khandan, mera nabi apni kabr me zinda hai.

Beshak ALLAH Ne Zamin Par Haraam Farma diya Hai Ke Wo Anbiya-e-ikram Ke Badan Khaye. ALLAH Ke Nabi Zinda Hai Or Unko Rozi Di Jati Hain.

[Sunann Ibne Maaja, Jild 2, Page 291, Hadees No. 636 ]

Huzoor sallallahu alaihi wasallam ne kisi ki maut par 3 din se zyada gham karne se mana farmyaha, siway us aurat ke jiska shohar mar jaye (woh 4 maah aur 10 din iddat me rahe)

[Bukhari Sharif, Jild 2, Page No. 804] [Mishkat Sharif, Jild 1, Page No. 486]

so hum gham nahi karte,

gham woh karte hai jise kuch na mila, jaise tuje nahi mila

hume tou hamare sarkar mile hai.

Shaitan bola: magar phir bhi ye sab mere gale me nahi utar raha

Sunni bola:

Jho bina Ishqe Rasool parhte hai bukhari

Aata hai unhe Bukhari par aati nahi Bukhari

aur waise bhi tumhari aur tuhmare chelo ke bare me hadees me hai ki HUZOOR sallallahu alaihi wasallam ke paas ek Gustakh aya jiski Darhi Ghani, sar munda (takla), Tehband TAKHNO SE (kuch zayada he) UNCHA or AANKHO K DRMYAN SAJDAY K NISHAN the, AAP ne Farmaya ke, "sirzameen-e-Najd se Iski Nasal se aik Qaom niklegi k Tum Apni Namazon Or Rozon ko unki Namazon or Rozon k Aagy Haqir Jano ge, Quran Tumse Acha Parhenge Lekin unke Halaq se niche nahi Utrega, Deen se Aise Nikal Jaenge Jese Teer Kaman se nikal jata hai, ye log nikalte he rahenge yanha tak ki Inka akhri giroh Dajjal K sath nikle ga". (yani jab dazzal niklega tab uske saath ho jayenge]

[Bukhari Sharif, Jild 2, Page 624] [Tirmizi Musnad, Jild 4,Page 424]

is hadees ke mutabik quran ya hadees ki daleele tumhare gale se nahi utregi.

Sunni bola: ab koi sawal hai??

Shaitan Chup!!

Sunni bola: ye bata tuje Jashne wiladat se kyun itni chid hai?

Shaitan bola: meri ASAL HAQEEQAT TO BUKHARI MAIN HAI..!!

Jab NABI Alaihissalaam Ki Duniya Mai Aamad Huwi To Shaitan Pe Aasman Se Aag K Gole Barsaye Gaye

[Bukhari sharif, Hadees No. 4921]

SHAITAN KA IZHAR E AFSOS:

Shaitan kehta hai ki me barso jannat me raha, Farishto ka sardar ban gaya, magar jab ye AADAM (nabi) paida huwa - mere liye badi musibat paida ho gai, yaha tak ki mujhe jannat se bhi nikal diya gaya!!! phir jab jab koi NABI paida hota woh gumraho ko sahi raah dikha kar jannat me le jata aur tab tak ki meri sari mehnat mitti me mil jati. **aur akhir me jab akhiri NABI MUHAMMAD paida huwa tab tou me itna roya jitna pelhe jannat se nikalne par roya tha,** aur usne meri tamam mehnat par pani pher diya.

**[Hafidh Ibn-Kathir in Al-Bidayah wal Nihayah, Volume No. 2, Page No. 166]**

isiliye mujhe nabiyo ki paidaesh se aur un dino se bahot badi chid hai, isi din sach aur jhoot ka parda hat jata hai.

isiliye main apne chelo se kehta hu

aey mere chelo sara wabal is paidaesh ka hai, jab jab tum suno ki ye nabi ki paidaesh ka din aaraha hai, meri sunnat ke mutabik khub matam karo, khub rowo, aur logo ko is din jashne se roko, shirk na hote huwe bhi shirk kaho, Milad ki hadiso ko zaef kaho, bhale hi tum kitni biddat karte ho magar iss kaam ko badi aur buri biddat kaho, us din jitne log us nabi ka nara lagate hai mere kano me hathode bajte hai.

Sunni bola: iska matlab me tuje chahe kitni bhi daleel du tu nahi sudhrega, kyunki tuje daleel se wasta nahi par tu tou dushmani nikal raha hai!! tuje daleel de kar khamakha mera waqt barbad huwa...

La hawla wala kuwwata illa billa hil aliyyil azeem... Nara e Takbir ALLAH o akbar, nara e risalat ya rasoolallah...

phir kya huwa ye nara sun kar shaitan bhaga... isiliye milad ke dushmano ko bas laat maro. ye sudhrenge nai.

Read More

Hamare Aaqa Muhammad Sallallahu Alaihi Wasallam

Hamare Aaqa Muhammad Sallallahu Alaihi Wasallam

Hamare Aaqa Muhammad Sallallahu Alaihi Wasallam

Hamare Aaqa Sultaan e Do jahan Sallallahu alaihi wasallam tamam aalam ke liye rehmat bana kar tashrif laye, aur ALLAH ki ne'amato par shukar baja lana aur uska charcha karne ka huqam khud ALLAH quran me hume deta hai.
Aur hum ne tumhe bheja rehmat banakar sare jahan ke liye.

[ Sura e Ambiya-21, Para No. 17, Aayat No. 107 – Kanzul Iman ]

"is aayat se pata chala ki hamare aaqa ALLAH ki ne'amato me sabse badi ne'amat aur sabse badi rehmat hai. aur us ne'amat ya rehmat ko hansil karke chup chap nahi beth jana chahiye"

Tum farmao, “ALLAH hi ki fazal aur usi ki rahemat - aur usi par chahiye ki khushi kare”; woh unke sab dhan-daulat se behtar hai

[ Sura Yunoos, Surah 10, Ayaah 58 – Tarjama: Kanzool Imaan ]

hamare liye sabse badi ne'amat aur fazal tou hamare pyare aaqa sallallahu alaihi wasallam hai, aur us ne'amat ke hansil hone par woh khushi kare jho apne dhan aur daulat ke hansil karne par bhi nahi karte.
Aur apne RAB ki ne'amat ka khub charcha karo.

[ Surat ud Dua, Aayat No. 11 - Tarjuma: Kanzul Iman ]

Jis ne'amat ka hum charcha karte hai us charche se rokne wala aur koi nahi balke shaitan aur uske chele hai.

Hum Ahle Iman

"Jande Lehrate jayenge, Na'ate Sunate Jayenge
Jin par Huwa Unka Sayaan AAQA ka milaad aaya"

Read More

Shaitano Ka Double Standard

Shaitano Ka Double Standard

Shaitano Ka Double Standard 

Shayad aap ne dekha hoga ki jab shiya qaum 10 muharram ko matam karte hai tou unhe kaha jata hai ki bhai tum 10 muharram ko matam kyun karte ho???
Shaheed kabhi marta nahi, un par matam nahi karte. Aur hadees me hai ki Huzoor sallallahu alaihi wasallam ne kisi ki maut par 3 din se zyada gham karne se mana farmyaha, siway us aurat ke jiska shohar mar jaye (woh 4 maah aur 10 din tak iddat mein rahe)

 [ Bukhari Sharif, Jild 2, Page No. 804] [Mishkat Sharif, Jild 1, Page No. 486 ]

magar jaise hi AAQA alaihissalam ka jashn aata hai ki ye shaitan log kehte hai ki us din to gham karna chahiye ki us din tou huzoor ki wafat huwi thi. [ ma'azALLAH]

kitne jahil hai ye shaitan ke chele, nabi ka martaba uncha ki shaheed ka!! shaheed ko zinda kehte hai aur gham na karna chahiye aur nabi ko murda kehte hai aur kehte hai ki gham karna chahiye.

agar 12vi Rabi ul Awwal wafat ka din hota tou bhi gham ki zaroorat nahi, kyunki jumma eid ka din hai, use eid ul mo'aminin kehte hai, aaiye sunte hai hamare aaqa kya kehte hai jumma ke baare me.

NABI e Mu’ajjam, Sarapa Judo karam صلى الله تعالى عليه واله وسلم ne farmaya ki Juma’a ka din sab dino ka sardar hai, ALLAH ke nazdik sabse bada hai aur woh ALLAH ke nazdik Eidul Azha aur Eidul Fitr se bada hai.

1. ALLAH ne isi me Hazrate AADAM alaihissalam ko paida kiya
2. Isi me Zameen par unhe utara
3. Isi me Unhe wafat di.

dekho usi din hazrate aadam paida huwe aur usi din wafat bhi huwi magar phir bhi jumma ka din eid hai. ab agar koi kahe ki tum paidaesh ka jashn manate ho ya wafat ka jashn tou kaho un jahilo se ki sabse pehla fatwa ALLAH par lagao (ma'azALLAH) ki ALLAH ne us din ko eid (yani khushi) ka din kyun banaya?? us din hum khushi kare ya hazrate aadam ki wafat par gham kare??

pata chala ye jahil log dushmne rasool aur gustakhe rasool hai, ye aaqa alaihissalam ka zikr hone nahi dete, logo ko rokte hai. par unki ye murad kabhi puri nahi hogi.

kyunki ALLAH farmata hai...

"aur humne tumhare liye (Aey Mehboob) tumhare zikr ko buland kar diya"

وَ رَفَعْنَا لَکَ ذِکْرَکَ 

[ Sura e Sharah-94, Aayat No. 4 - Kanzool Iman ]

so mere aaqa ka zikr jitna kal tha us se kai zyada aaj hai aur jitna aaj hai us se kai zyada kal hoga.

Meri ummat me mujhe sabse zyada pyare log woh honge jho baad me aayenge. jho apne maal aur ghar walo ke badle mera didar karna pasand karenge.

   [ Sahih Muslim : Vol 3 : Hadees 2648 ]

"JAB TALAK YE CHAND TARE JHIL MILATE JAYENGE
TAB TALA JASHNE WILADAT (AAQA KA ZIKR) HUM MANATE JAYENGE"

Read More

Ahmed ya Muhammad Naam rakhne ki Barkat

Ahmed ya Muhammad Naam rakhne ki Barkat

Farman-e-Mustafa:
Roz-e-Qiyamat 2 Shakhs Allah k Huzoor kharay kiye jaenge hukum hoga inhain Jannat main lai jao, Arz karen: Elahi! Hum kisi amal per Jannat main qabil huwe hum ne to koi kaam Jannat ka na kiya. Allah farmaega: Jannat main jao Main ne halaf farmaya hai k jiska Naam Ahmed ya Muhammad ho Dozakh main na jaega. (Al Firdous Bamaa Soor-ul-Khitab, Jild 2, Hadis 8837)

Read More

Muhammad Sal lal lahu Alayhi Wa Sallam Ki Khash 10 Khubiyan

Muhammad Sal lal lahu Alayhi Wa Sallam Ki Khash 10 Khubiyan

Muhammad Sal lal lahu Alayhi Wa Sallam Ki Khash 10 Khubiyan

1. Aap khatna shud paida huve hai.
2. Aapko kabhi jamai nahi aaya.
3. Aapko kabhi ahtelam nahi huwa.
4. Aapka shaya kabhi zamin pe nahi parha.
5. Aapka baal Mubarak kabhi zamin pe jahir
nahi huwa.
6. Aap jab kisi qaum (Jama'at) mein tasrif
rakhte tab Aap sabse buland nazar aate.
7. Aapki aankhe soti thi magar Aapka dil kabhi
nahi soya.
8. Aap jis janwar pe sawar huwe woh janwar
kabhi bhaga nahi.
9. Aap ke pak jism ya muqaddas libaz pe
kabhi makhkhi nahi baithi.
10. Aap jaisa aage dekhte the waisa hi pichhe
dekhte the.
(Almurtaji bil kulub khidmate kadmirrasool :
Page No -114)
Masha Allah...
Subhan Allah...

Read More

Hazrate Hassan aur Hazrate Hussain ke Fazaeel

Hazrate Hassan aur Hazrate Hussain ke Fazaeel

Hazrate Abu Hurairah Radiyallahu Anhu Bayan karte hai ki Nabi Sallallahu Alaihi Wasallam ne Hazrate Hassan Radiyallahu anhu ke muta’allik farmaya Aye ALLAH! Mein us se muhabbat karta hu, tu us se muhabbat rakh aur jho us se muhabbat rakhe us se tu muhabbat rakh.

[Sahih Muslim Sharif, Jild 03, Kitab: 44-Kitab ul fazail e sahaba e kiram, Page 314, Baab 08 – Hazrate hassan aur Hazrate Hussain ke fazaeel, Hadith No. 6206] [ Bukhari Sharif: 2122, 5884 ] [ Ibne Majah: 142 ]

Pacha chala Hazrate Hasan ya Ahle bait se dushmani rakhna khuda ke gazab aur RASOOL ki narazgi hai, aise dushman e ahle bait (yazeed paleed) ke naam ke saath Rahmatullahi alaihi lagane wale zakir naik khud dushmanane ahle bait se mil gaya. Kismet apni apni – hadees e paak hai jho jis se muhabbat rakhega kal mehshar me usi ke saath uthaya jayega.

Read More

Muhammad Sallallaho Alihe Waslam Ka Husn o Jamal

Muhammad Sallallaho Alihe Waslam Ka Husn o Jamal

Hamare Hozoor Sallallaho Alihe Waslam Ka Husn o Jamal Kaisa Tha?

Yehi Bole sidra wale, chamane jahan ke thale,
Sabhi maine chhan dale, tere paye ka na paya,
tuje yak na yak banaya, tujhe ham da hai khudaya,

Tirmizi ne Hazrate Jabir bin sumrah رضي الله عنه se riwayat ki kehte hai maine chandni raat me NABI KARIM صلى الله تعالى عليه واله وسلم ko dekha, Huzoor surkh hullah (hullah yani chadar wa tehband ke majmu’a ko kehte hai: jhoda) pehne huwe the, yani usme surkh dhariya thi, me kabhi HUZOOR ko dekhta kabhi chand ko, HUZOOR mere nazdik chand se bhi zyada haseen the.

[Sunan Tirmizi, Kitab ul Adab, Baab majah fi al rukhsah fi labsul hamrah lil rajal, Jild 4, Page No. 370, Hadith No. 2820]

Read More

Sahabi Ka Isaal e Sawab

Sahabi Ka Isaal e Sawab

Hazrate Sa'ad bin Ubada Radiyallahu anhu se riwayat hai ki unhone Sarkar do Alam sallallahu alaihi wasallam se arz ki umme sa'ad (yani meri maan) ka inteqal ho gaya hai, unke liye kaunsa sadaqa fafzal hai? ALLAH ke RASOOLA ne farmaya pani (behtarin sadaqa hai tou HUZOOR ke kehne par), Hazrate Sa'ad ne kunwa khudwaya aur (HUZOOR ne use unki maan ki taraf mansub karte huwe) kaha ye kunwa (well) sa'ad ki maan ke liye hai. (yani uska sawab unko pahuchega)

[Sunan Abi Dawood, Kitab ul Zakat, Baab fi fazlusakul ma'a, Jild 2, Page no. 180, Hadees No. 1681]

Read More

Momin aur Musalman Mein Farq

Momin aur Musalman Mein Farq

Momin aur Musalman main Farq Kya Hai?

Farman-e-Mustafa Sallallahu Alaihi Wasallam hai ki Momin woh hai jis se Log be-khauf rahein aur Musalman woh hai jiski Zaban aur Hath se Log mehfooz rahein aur Muhajir woh hai jo burai ko chor de, us Zaat-e-Pak ki Qasam jiske dast-e-qudrat main meri jaan hai! Jiske shar se uska Parosi be-khauf na ho woh Banda Jannat mein dakhil na hoga. 

[ Masnad Imam Ahmed Bin Hanbal, Page 395, Jild 4, Hadis 13047 ]

Read More

Jannat Ki Dua

Jannat Ki Dua

Jannat Ki Dua

Farmane Mustafa Sallallahu Alaihi wasallam
hai ki jisne teen martaba ALLAH se Jannat ka
sawal kiya tou Janna dua karti hai ki Ya
ALLAH isko jannat me dakhil karde aur jisne
sakhs ne teen martaba jahannam se panah
maangi tou dozakh dua karti hai ki Ya ALLAH
isko dozakh se panah me rakh:
[ Sahih Bukhari, Jild 4, Page No. 3, Hadees No. 5642 ]

Read More

Momin aur Musalman main Farq

Momin aur Musalman main Farq

Momin aur Musalman main Farq

Farman-e-Mustafa Sallallahu Alaihi Wasallam hai ki Momin woh hai jis se Log be-khauf rahein aur Musalman woh hai jiski Zaban aur Hath se Log mehfooz rahein aur Muhajir woh hai jo burai ko chor de, us Zaat-e-Pak ki Qasam jiske dast-e-qudrat main meri jaan hai! Jiske shar se uska Parosi be-khauf na ho woh Banda Jannat mein dakhil na hoga. 

[Masnad Imam Ahmed Bin Hanbal, Page 395, Jild 4, Hadis 13047]

Read More

Juma Ki Khasiyat

Juma Ki Khasiyat

Juma Ki Khasiyat

Juma k din duniya banayi gayi.
Juma ke din AADAM  Alehe Salam ko mitti se banaya gaya.
Jjuma k din MAKKAH fatah hui.
Jjuma k din imam HASAN  RadiAlla Tala Anhu shaheed hue.
Juma k din Musaa Alehe Salam  ki Qhom ko firaun ke zulm se najat mili.
Jjuma k din ESHA Alehe Salam nabi duniya me aaye.
Jjuma k din QAYAMAT QAAYAM HOGI.
Qayamat nazdik hai tauba ka darwaza band ho jayega HUZUR (SallallahoALayhawasalam) ne frmaya jo shaks is baat ko dushro tak pahuchayega QAYAMAT ke din uski hifazat mai karoonga....
AMEEN.... SUMMA AMEEN...
JUMA MUBARAK HO AAPKO.....

Read More

Kuch Farmane Rasool Sallallahu Alahi Wasallam

Kuch Farmane Rasool Sallallahu Alahi Wasallam

Hazrat Mohammad Mustafa
Sallallahu Alahi Wasallam Ne
Irshad Farmaya-

Jo Raat Ko Sote Waqt Ayatul
Kursi Padhega Allah Use, Uske
Ghar Ko Aur Aas Pas Ke Gharo Ko
Mahfuz Farma Dega.
(Shoabul Imaan)

Jo Hamare Chhoto Par Maherbani
Aur Hamare Bado Ki Tazeem Wa 
Touqeer Na Kare Woh Ham Me Se
Nahi.
(Mishkat)

Musalmano Ko Jab Bhi Koi Gham
Takleef Aur Musibaat Pahunchti
Hai To Allah Uske Zariye Gunaho 
Ko Mita Deta Hai.
(Bukhari)

Allah Us Shaksh Ko Abaad Rakhta
Jo Hadees Sun Kar Amal Kare Aur
Dusro Ko Bataye.

Read More

Soney Ke Tareeqe

Soney Ke Tareeqe

Humare Nabi Sallallaho Alayhi Wasllam Ke
Soney Ke Tareeqe

1-Wuzoo Kar Ke Sona

2-Bister Jharna

3-Dahini Karwat Par Sona

4-Tahajjad or Fajar Ke Leye
Jagne Ki Neyat Karna

5-Pehla Kalma Parhna

6-Aayat-ul-Kursi­ Parhna

7-Sab Ko Maaf Kar Ke Sona

8-Soney Ki Dua Aur Durood
Pak Parh Kar Sona

Allah Hame In Sunnato Ko Apni Zindagi Me Lane Ki Taufeeq Ata Farmaye

AAMIN SUMMA AAMIN

Read More

Woh Dekhna aur Sunna Jiski Mumaniat Hai Uski Saza

Woh Dekhna aur Sunna Jiski Mumaniat Hai Uski Saza

Hazrat sayyeduna Imam Hafiz abu-al-qasim sulemaan tabarani Rahmatullah Alaihe naqal farmatey hain ki Meray meethay meethay Aaqa Sallallaho Alaihe Wasallam nay ek manzar ye bhi dekha k kuch logon ki aanknhon or kano mey keel thok huway they. Aap ki khidmat mey araz ki gai: yani ye wo loog hain jo wo dekhtay hai jo unhein nahi dekhna chahiye wo suntey hain jo inhein nahi sunana chahiye.

[ Al Maejamal kabeer lil Tabarani, Jild 8, Page 156, Hadees No. 7666 ]

Read More

Betiyan Sab Ke Naseeb mein Kahan hoti Hain

Betiyan Sab Ke Naseeb mein Kahan hoti Hain

Betiyan Sab k Muqaddar main Kahan hoti Hain....
Ghar "KHUDA" ko Jo pasand Aaye Wahan Hoti hain.....!!

AUR APNI AULAD KO QATL NA KARO MUFLISI KE DAR SE HUM TUMHE BHI AUR UNHE BHI ROZI DENGE BESHAK UNKA QATL BADI KHATA HAI.

[ Sura e Bani Israel-17, Para 15, Aayat No. 31, Tarjuma: Kanzul Iman ]

ALLAH hi ke liye aasmano aur zameen ki saltanat (126) paida karta hai jho chahe, jise chahe betiyan ata farmaye (127) aur jise chahe bete de (128) ya dono milade bete aur betiyan aur jise chahe baanj karde (129) beshak woh ilm wa qudrat wala hai.

[ Sura e Al Shoura-42, Para No. 25, Aayat No. 49-50, Tarjuma: Kanzul Iman ]

Ladki paida hone par naraz na ho. Ladki ki Pyar wa Muhabbat se parwarish Jannat me le jayegi. Aaj kal science ne bohot tarakki kar li he. Isika Galat istemal kuch log x-rays, sonography ke jariye aurat ke pet me jo bacha ladka hau ya ladki jan lete hai. Agar ladki ho toh bachcha maar diya jata hai. 

Ladkiyo ki pyar wa muhabbat se parwarish Maa-Baap ke liye Jannat ka sabab he. Lihaza Beta aur Beti me koi fark na kare. Iske muta’allik chand hadeese aap ki khidmat me pesh hai.

Hazrat Abdullah ibne Abbas رضي الله عنه se riwayat he ki MADANI AAQA صلى الله تعالى عليه واله وسلم ne irshad farmaya Jise ladaki ho fir wo use zinda dafan Na kare,Na usko zalil samze aur Na ladke ko us par ahmiyat de to ALLAH Ta'ala usko Jannat me dakhil karega.

[ Abu Dawood, Jild 3, Baab548, Hadees 1705, Safa 616 ]

MADANI AAQA صلى الله تعالى عليه واله وسلم ne irshad farmaya Jisne apni 1 bhi ladaki ya behen ki parwarish ki aur use sharai aadab sikhaya, unse pyaar wa muhabbat se pesh aaya aur unki shaadi kardi to ALLAH Ta'ala use jaroor Jannat mein dakhil karega.

[ Abu Dawood, Jild 3, Baab 578, Hadees 1706, Safa 617 ]

MADANI AAQA صلى الله تعالى عليه واله وسلم ne irshad farmaya Jo log apni bachchiyo ko Pyaar wa Muhabbat se parwarish karenge to woh bachchiya unke liye Jahannam se aad ban jayengi.

[ Tirmizi sharif, Jild 1, Baab 1279, Hadees 1980, Safa 901 ]

MADANI AAQA صلى الله تعالى عليه واله وسلم  ne irshad farmaya Jisne 2 ladkiyo ki parwarish kiya yaha tak ke wo balig ho gayi to me aur wo Qayamat ke din iss tarah karib honge. Fir Aapne apne 2 ungliyo ko mila kar bataya.

[Muslim sharif]

MADANI AAQA صلى الله تعالى عليه واله وسلم ne irshad farmaya Subse bada gunah ye he ki ALLAH ka kisi ko sharik thehraye. Fir uske baad ka gunah ye he ki Apni Aulad ko khane, Pine ke khuf se Katla kiya jaye. 

[ Bukhari sharif, Jild 3, Baab 576 Hadees 939, Safa 345 ]

Read More

Juma Mubarak Ki Dua

Juma Mubarak Ki Dua

1.YA ALLAH HAMARI ZUBAN PAR KALMA-E-TAYYABA HAMESHA JARI RAKH

2.YA ALLAH HUME KAAMIL IMAAN NASIB FARMA AUR PURI HIDAYAT AATA FARMA

3.YA ALLAH HUME NEMAATO,ANWAAR WO BARKAAT SE MAALA-MAAL FARMA

4.YA ALLAH HUM PAR APNI REHMAT NAZIL FARMA,KARAM KI BARISH FARMA AUR RIZAKE HALAL AATA FARMA.

5.YA ALLAH HUME DEENE ISLAM KE AHEMKAM PAR MUKAMMAL TOR PAR AMAL KARNE WALA BANA DE

6.YA ALLAH TU HUME AAPNA MOHTAJ RAKH,KISI GAIR KA MOHTAJ NA BANA

7.YA ALLAH HUME LEILATUL-KADAR NASIB FARMA

8.YA ALLAH HUME HAJJE MAKBUL NASIB FARMA

9.YA ALLAH HUME JHUTH,GEEBAT,BURAI,AUR JHAGADHE FASAD SE DUR RAKH

10.YA ALLAH HUME TANGDASTI,KHOF,GHABRAHAT AUR KARZ KE BHOJ SE DUR RAKH

11.YA ALLAH HAMARE (CHOTE -BADE) SAGEERAH AUR KABEERA GUNAH KO MAAF FARMA

12.YA ALLAH HUME DAZZAL KE FITNE,SHAITAN AUR NAFS KE SHER SE MEHFUZ RAKH

13.YA ALLAH AAURATO KO PARDHE KI PURI PURI PABANDI KARNE KI TOUFEEK AATA FARMA

14.YA ALLAH HAR CHOTI BADI BEMARI SE HUME AUR KUL MOMEENEEN WO MOMEENAAT KO MEHFUZ RAKH

15.YA ALLAH HUME TAKAWA AUR PAREZGAARI AATA FARMA

16.YA ALLAH HUME HUZUR SALLALLAHU ALAIHI WASALLAM KE PYARE TARIKE PAR KAYAM RAKH

17.YA ALLAH HUME HUZUR SALLALLAHU ALAIHI WASALLAM KI SUNNATO PAR CHALNE KI TOUFEEK AATA FARMA

18.YA ALLAH HUME QAYAMAT KE DIN HUZUR SALLALLAHU ALAIHI WASALLAM KE HAATHO SE JAAMA-E-KAUSAR NASIB FARMA

19.YA ALLAH TU AAPNI MOHOBBAT AUR HAMARE AAQA SALLALLAHU ALAIHI WASALLAM KI MOHOBBAT HAMARE DIL MEI DAL DE

20.YA ALLAH HUME QAYAMAT KE DIN HUZUR SALLALLAHU ALAIHI WASALLAM KI SHIFAYAT NASIB FARMA

21.YA ALLAH HUME MAUT KI SHAKHTI SE AUR KABAR KE AZAAB SE BACHA

22.YA ALLAH MUNKAR NAKEER KE SAWALAAT HUM PAR ASAAN FARMA

23.YA ALLAH HUME QAYAMAT KE ROZ AAPNA DEEDAR NASIB FARMA

24.YA ALLAH HUME JANNATUL FIRDOUS MEI JAGAH AATA FARMA

25.YA ALLAH HUME QAYAMAT KI GARMI AUR JAHANNUM KI AAG SE MEHFUZ RAKH

26.YA ALLAH HUME AUR TAMMAM MOMEENEEN WO MOMEENAAT KO HASHAR KI RUSWAYI SE BACHA

27.YA ALLAH NAAM-E-AMAAL HAMARE DAHINE (RIGHT) HAATH MEI NASIB FARMA

28.YA ALLAH APNE ARSH KE SAAYE MEI JAGAH AATA FARMA

29.YA ALLAH PUL SIRAAT PAR BIJALI KI TARAH GUZARANE KI KUWWAT AATA FARMA

30. YA ALLAH JO BE-AULAAD HAI UNHE AULAAD DE

31. YA ALLAH HUM SAB KO 5 WAQT NAMAZ KI PABANDI KI TOUFEEK DE

30.YE ALLAH HUME DONO JAHAN MEI AAQA SALLALLAHU ALAIHI WASALLAM KA GULAAM BANA KE RAKH

AMEEN SUMMA AMEEN.

YA ALLAH HAMARI DUWAO KO KABUL FARMA,(AMEEN)

Read More

Valentine Day Se Bacho Musalmano

Valentine Day Se Bacho Musalmano

Jab Beti chokhat par aa jaye
aur jab Izzat ka beyapar kary

Jab Baap ki Izzat kho jaye
Jab Bhai ko Ta'nay milte ho

Jab Behno k Dil jaltay hon
Jab Maaon ki Nazren jhuk jaye

Jab Sans Labon par ruk jaye
Jab Sharm-O-Haya ka aameza

Jab ek Kanwari doshiza
Jab Be'sharmi ko apna le

Jab Khud ko Zillat me dhalay
Jab Gair k Sine par lipat jaye

To aisi hoti hai Valentine day, Bacho iss se musalmano....

Read More

Kuch Islami Batein

Kuch Islami Batein

Rizq ki mehroomi ka sabab
Farman-e-Mustafa Sallallahu Alaihi Wasallam hai ki Dua se taqdeer palat jati hai aur Nekiyon se Umar main izafa hota hai beshak Banda Gunah ki waja se uss Rizq se bhi mehroom ho jata hai jo usay pohanchna hota hai. 

[ Al Mustadrak, , Jild 2, Page 162, Hadees 1857 ]

Sahabi ka isaal e sawab
Hazrate Sa'ad bin Ubada Radiyallahu anhu se riwayat hai ki unhone SARKAR sallallahu alaihi wasallam se arz ki umme sa'ad (yani meri maan) ka inteqal ho gaya hai, unke liye kaunsa sadaqa fafzal hai? Allah ke Rasool (S.A.W.) ne farmaya pani (behtarin sadaqa hai tou HUZOOR ke kehne par), Hazrate Sa'ad ne kunwa khudwaya aur (HUZOOR ne use unki maan ki taraf mansub karte huwe) kaha ye kunwa (well) sa'ad ki maan ke liye hai. (yani uska sawab unko pahuchega)

[ Sunan Abi Dawood, Kitab ul Zakat, Baab fi fazlusakul ma'a, Jild 2, Page no. 180, Hadees No. 1681 ]

Woh dekhna aur sunna jiski mumane'at hai uski saza:
Hazrat sayyeduna Imam Hafiz abu-al-qasim sulemaan tabarani Rahmatullah Alaihe naqal farmatey hain ki Meray meethay meethay Aaqa Sallallaho Alaihe Wasallam nay ek manzar ye bhi dekha k kuch logon ki aanknhon or kano mey keel thok huway they. Aap ki khidmat mey araz ki gai: yani ye wo loog hain jo wo dekhtay hai jo unhein nahi dekhna chahiye wo suntey hain jo inhein nahi sunana chahiye.

[ Al Maejamal kabeer lil Tabarani, Jild 8, Page 156, Hadees No. 7666 ]

Firishtay Dua karte hain
Farman-e-Mustafa Sallallahu alaihi wasallam hai ki Jo Shakhs apne Musalman Bhai ki Ayadat ya Ziarat k liye jae 70,000 Firishtay iske Jilu main chalte hain aur Dua karte hain, Aey Allah! is per reham farma, Aey Allah iski Tauba qabool farma, jab woh pohanch jata hai, to kehte hain, tu bhi acha hai aur tu ne Jannat main apna Ghar bana liya hai.

[ Shoaib ul Iman, Jild 6, Page 493, Hadis No 9027 ]

Read More

Insaan Burayi Se Kaise Bach Sakta Hai?

Insaan Burayi Se Kaise Bach Sakta Hai?

Insaan inn burayi se kaise bach sakta hai?

(1)Takbur se?
Salam k zarye
(2)Musibt se?
Sadqe k zarye
(3)Bemari se?
DUA k zrye
(4)Hirs se?
Shukr k zrye
(5)Ghuse se?
Sabr k zrye
(6)Dozakh se?
Ibadat k zrye
(7)Jahil se?
Khamoshi k zrye
(8)Shetan se?
Elm k zrye
Aur
(9)Gunah se?
ALLAH k Khouf k zrye..

Read More

Dulhan Ki Talash Aur Insaani Soch

Dulhan Ki Talash Aur Insaani Soch

Pelhe log jab dulhan ki talash me nikalte the tou salika mand, wafa Shi'aar aur nek chalan aur khidmat guzar ladkiyo ko dhunda jata tha lekin ab ladkiyo ko dhundne ke paimane bilkul badal gaye hai. sabse pehle daulat phir khubsurti ko hi shadi ke rishto ka paimana bana liya gaya hai. isiliye talimyaafta aur hunarmand ladkiya achche rishto ki talash me apni umr guzar rahi hai. jho apne hunar aur kirdar se kisi bhi ghar ki raunak aur izzat ko do-baala kar sakti hai. jin garib maan baap ke paas beti ko wida karne ke lliye maal-daulat nahi hai woh akhir jaaye tou kaha jaye?? shadi ki jin takribaat me saadgi aur kifayat shi'aari ka muzaahira kiya jata hai usme nusrate ilaahi aur barkat ka nuzul hota hai. jho kaam mahaz dikhawe aur naam wa numud, beja rasmo ke liye kiye jate hai usme kharabi paida hone ke imkamat zyada hote hai.

Dikhawe aur naam wa numud aur maal dualat aur paise wali ki talaash ki soch ki wajah se ladkiyo ke maan baap ki bhi soch badalti ja rahi hai, sochte hai ki jab tak hum apni ladkiyo ko fashion parast aur khub surati se lais nahi rakhe tab tak koi rishta nazdeek nahi aata. aur is tarah mu'aashra bhi westurn aur gair islami tehzib apnata jata hai.

Niak aurat ko Tarji

Bukhari wa Muslim wa Abu Dawood wa Nisai wa Ibne Majah, Abu Huraira رضي الله عنه se rawi, RASOOLALLAH صلى الله تعالى عليه واله وسلم ne famraya:: Aurat se Nikah Char-4 Bato se (ki Wajah) se kiya jata hai
1. Maal
2. Hasab
3. Jamal  ( Khubsurti )
4. Deen.

Aur tum Deen wali ko tarji do. (yaani Naik aurat ka intekhab karo)

[ Sahih Bukhari, Kitab ul Nikah, Baab al Kafa’a fi al Deen, Page No. 429, Hadith No.  5090(0) ]

jho musalman mashaALLAH maal-daar hai, daulat wa shohrat rakhte hai aur unhe lagta hai ki hum apni zindagi ki besh tar zariyat ko puri kar chuke hai tou unhe chahiye ki ek group banaye ya khud akele hi kisi aise garib ki madad karde jinki betiyan nikah ke laik hai par unki rasm paiso ki tangi ki wajah se atki huwi hai.

Aur nikah kardo apno me unka jho benikah ho (67), aur apne laik bando aur kanizo ka; agar woh fakir ho, tou ALLAH unhe ghani kar dega apne fazal ke sabab (68); aur ALLAH wus’at wala, ilm wala hai

[ Sura e Noor-24, Ayaah 32 – Tarjama: Kanzool Imaan]

Read More